హీరోయిన్ గా అవకాశాలు తగ్గిన తర్వాత క్యారెక్టర్ రోల్స్ వైపు తీసుకుంది పూర్ణ. ఇటివలే అఖండ సినిమాలో ఆమెకి మంచి పాత్ర దక్కింది. ఇప్పుడు మరో పవర్ ఫుల్ రోల్ ఆమె ఖాతాలో చేరింది. నాని తాజా చిత్రం దసరా. ఈ చిత్రంలో ఒక లేడీ విలన్ పాత్ర వుంది. ఈ పాత్ర పూర్ణకి వరించింది. క్లైమాక్స్ లో ఆమె పాత్ర చాలా కీలకంగా వుంటుందని చెబుతున్నారు. ఇప్పటికే ఆమె షూటింగ్ లో పాల్గొంది..గోదావరిఖనిలోని సింగరేణి కోల్ మైన్స్‌ దగ్గర ఉన్న ఒక గ్రామం నేపధ్యంలో తెరకెక్కుతున్న ఈ చిత్రానికి శ్రీకాంత్ ఓదెల దర్శకుడు. నాని సరసన కథానాయికగా కీర్తి కనిపించనుంది. తెలుగు, తమిళం, కన్నడ, మలయాళం, హిందీ భాషల్లో ఈ చిత్రాన్ని విడుదల చేయడానికి సన్నాహాలు చేస్తున్నారు. నాని కెరీర్ లో అత్యధిక బడ్జెట్ తో ఈ సినిమా తెరకెక్కుతోంది..
