నాని తన ‘ప్యారడైజ్’ ప్రమోషన్లలో భాగంగా పలు ఆసక్తికరమైన విషయాలను పంచుకున్నారు. ఈ చిత్రంలోని ‘ఆయా షేర్’ పాట విడుదలైన తర్వాత తన హెయిర్స్టైల్కు విశేష స్పందన లభించిందని ఆయన తెలిపారు. ఆ పాట చూసిన తర్వాత ఆన్లైన్లో ఏకంగా లక్షకు పైగా కృత్రిమ జడలు అమ్ముడయ్యాయని చెప్పి అందరినీ ఆశ్చర్యపరిచారు. ఈ సినిమా కోసం తాను శారీరకంగా ఎంతో శ్రమించానని, సిక్స్ ప్యాక్ సాధించడంతో పాటు జడలతో కూడిన విభిన్నమైన ఆహార్యంలో కనిపిస్తానని వివరించారు.
‘ప్యారడైజ్’ కేవలం యాక్షన్ చిత్రం మాత్రమే కాదని, ఇందులో హృదయాన్ని హత్తుకునే బలమైన తల్లి-కొడుకు సెంటిమెంట్ కూడా ఉందని నాని స్పష్టం చేశారు. ఈ సినిమాలో సీనియర్ నటుడు మోహన్ బాబు ఒక అద్భుతమైన పాత్రను పోషించారని ఆయన ప్రశంసించారు. దర్శకుడు శ్రీకాంత్ ఓదెల గురించి నాని ప్రస్తావిస్తూ, “దసరా చిత్రం సమయంలో ఉన్న పరిమిత అనుభవంతో కాకుండా, ఈసారి ఈ కథను అత్యంత స్పష్టతతో, పరిపూర్ణంగా తెరకెక్కించారు” అని పేర్కొన్నారు. ‘దసరా’ వంటి బ్లాక్బస్టర్ విజయం తర్వాత వీరిద్దరి కాంబినేషన్లో వస్తున్న ఈ చిత్రంపై సినీ వర్గాల్లో భారీ అంచనాలు నెలకొన్నాయి..!!
