సూర్య హీరోగా సుధా కొంగర దర్శకత్వంలో తెరకెక్కిన చిత్రం ‘సూరరై పొట్రు’. ‘ఆకాశం నీ హద్దురా’ పేరుతో తెలుగులో విడులైందిఈ చిత్రం. కరోనా కారణంగా ఈ సినిమా ఓటీటీ ప్లాట్ ఫామ్ అమెజాన్ ప్రైమ్ లో విడుదల చేశారు. తమిళ, తెలుగు భాషల్లో చక్కటి ప్రేక్షకాదరణ పొందింది. తాజాగా షాంఘై ఇంటర్నేషనల్ ఫిలిం ఫెస్టివల్ లో పనారోమా సెక్షన్ లో ప్రదర్శనకు కూడా ఎంపికయింది. ఇప్పుడు ఈ సినిమా మరో అరుదైన రికార్డు సాధించింది.
అంతర్జాతీయ సినిమా రివ్యూ సంస్థ ‘ఐఎండీబీ’లో ప్రపంచ వ్యాప్తంగా అత్యధిక రేటింగ్ వచ్చిన 3వ సినిమాగా నిలిచింది ‘ఆకాశం నీ హద్దురా’. ఇంటర్నెట్ మూవీ డేటాబేస్ (IMDB)లో ఈ సినిమాకి 9.1 రేటింగ్ పాయింట్స్ దక్కడం విశేషం. వరల్డ్ లో టాప్-3లో, ఇండియాలో టాప్-1 లో నిలిచింది. ఈ రేటింగ్స్ లో ‘ది షావ్శాంక్’ సినిమా మొదటి స్థానంలో, ‘ది గాడ్ ఫాథర్’ రెండో స్థానంలో ఉన్నాయి. ఎయిర్ డెక్కన్ వ్యవస్థాపకులు జీఆర్ గోపీనాథ్ జీవితం ఆధారంగా తెరకెక్కిన సినిమా ఇది. ఇందులో అపర్ణ బాలమురళి హీరోయిన్..
