త్రివిక్రమ్ శ్రీనివాస్, మహేశ్ బాబు కాంబోలో ఓ సినిమా తెరకెక్కనున్న సంగతి తెలిసిందే. ‘ఎస్ఎస్ఎమ్‌బీ28’ వర్కింగ్ టైటిల్‌తో ఈ చిత్రాన్ని హారికా అండ్ హాసిని క్రియేషన్స్ బ్యానర్‌ లో నిర్మిస్తున్నారు. అయితే ఈ సినిమాకు సంబంధించి ఓ న్యూస్ నెట్టింట్లో చక్కర్లు కొడుతోంది. ఈ మూవీలో బాలీవుడ్ నటి.. సాగర కన్య శిల్పా శెట్టి కీలక పాత్రలో నటించనుందనే వార్తలు వినిపిస్తున్నాయి. ఇప్పటికే త్రివిక్రమ్ ఆమెతో చర్చించారని,
శిల్పా ఓకే చెప్పినట్లు టాక్ నడుస్తోంది..కాగా, త్రివిక్రమ్ గత సినిమాలను ఓ సారి పరిశీలిస్తే.. అందులో కీలకమైన ఓ లేడీ పాత్ర కనిపిస్తోంది. ‘అత్తారింటికి దారేది’లో నదియా, ‘అజ్ఞాతవాసి’లో ఖుష్బు, రీసెంట్‌ సినిమా ‘అల వైకుంఠపురములో’లో టబు ఇలా ప్రతీ సినిమాలో కనిపిస్తుంటారు. మహేశ్ మూవీలో శిల్పా శెట్టిని తీసుకోనున్నారని తెలుస్తోంది. దీనిపై త్వరలోనే అధికారిక ప్రకటన వెలువడనుంది.
