వరస ప్లాపులతో సతమతమవుతున్నాడు నాగ చైతన్య. తన తర్వాతి చిత్రం కోసం గట్టిగా ప్రయత్నిస్తున్నాడు. నాగ చైతన్య తన తర్వాతి చిత్రాన్ని చందూ మొండేటి దర్శకత్వంలో చేస్తున్నాడు. జాలర్ల నేపథ్యంలో ఈ సినిమా ఉంటుంది. ఈ చిత్ర ప్రీప్రొడక్షన్ రెండు, మూడు నెలల సమయం తీసుకున్నారు. ఇక తాజా సమాచారం ప్రకారం నాగ చైతన్య, శివ నిర్వాణ దర్శకత్వంలో సినిమా చేయడానికి చూస్తున్నాడు.
ఈ చిత్రానికి సంబంధించిన పనులు కూడా మొదలవుతున్నాయి. వీరిద్దరూ కలిసి చేసిన మజిలీ సూపర్ హిట్ అయిన విషయం తెల్సిందే. శివ నిర్వాణ చెప్పిన కథకు నాగ చైతన్య కూడా ఇంప్రెస్ అయినట్లు తెలుస్తోంది. మైత్రి మూవీ మేకర్స్ ఈ సినిమాను నిర్మించే అవకాశముంది. ఇక నాగ చైతన్య నటించిన సిరీస్ దూత కూడా డిసెంబర్ లో విడుదల కానుంది..!!
