అందాల తార ర‌కుల్ ప్రీత్ సింగ్ కు ప్ర‌స్తుతం తెలుగు సినిమాలేవి లేవు. ఈ భామ అర్జున్‌క‌పూర్ తో క‌లిసి హిందీలో ఓ సినిమా చేస్తోంది. బాలీవుడ్ న‌టుడు జాన్ అబ్ర‌హాం ఈ చిత్రాన్ని నిర్మిస్తున్నాడు. ఇప్ప‌టికే సెట్స్‌పైకి వెళ్లింది. ఈ సినిమాకు సంబంధించిన ఆస‌క్తిక‌ర‌మైన వార్త ఇపుడు బీటౌన్‌లో చ‌క్క‌ర్లు కొడుతోంది. ఈ చిత్రంలో ర‌కుల్ ప్రీత్ సింగ్‌తోపాటు అదితీ రావు హైద‌రి కీల‌క‌పాత్ర‌లో న‌టిస్తోంద‌ట. ఓ కీల‌క పాత్ర‌కోసం అదితీ రావు హైద‌రీని చిత్ర‌యూనిట్ సంప్ర‌దించింద‌ట.
ఈ ప్రాజెక్టులో జాన్ అబ్ర‌హాం కూడా మ‌రో కీల‌క పాత్ర‌లో క‌నిపించ‌నుండ‌గా..అత‌నికి జోడీగా అదితీ రావు హైద‌రి అయితే బాగుంటుంద‌ని చిత్ర బృందం భావిస్తోంద‌ట. అదితీ రావు ఎంపిక‌పై అధికారికంగా ప్ర‌క‌టన రావాల్సి ఉంది. దీపికా ప‌దుకొనే న‌టించిన ప‌ద్మావ‌త్ త‌ర్వాత మ‌రే హిందీ చిత్రంలో క‌నిపించ‌లేదు అదితీ రావు హైద‌రి.
