అల్లు అర్జున్ ప్రస్తుతం స్టార్ డైరెక్టర్ అట్లీ దర్శకత్వంలో తెరకెక్కుతున్న భారీ పాన్-వరల్డ్ ప్రాజెక్ట్ ‘రాకా’ లో నటిస్తున్నారు. భారీ బడ్జెట్తో రూపొందుతున్న ఈ సినిమాపై ఇప్పటికే దేశవ్యాప్తంగా భారీ అంచనాలు నెలకొన్నాయి. తాజా సమాచారం ప్రకారం.. ఈ చిత్రాన్ని 2027 డిసెంబర్ నెలలో విడుదల చేయాలని మేకర్స్ ప్రణాళికలు సిద్ధం చేస్తున్నట్లు తెలుస్తోంది. ఈ నిర్ణయం వెనుక అల్లు అర్జున్కు బాగా కలిసొచ్చిన డిసెంబర్ సెంటిమెంట్ కూడా ఒక కారణమని సినీ వర్గాల్లో చర్చ జరుగుతోంది.
అల్లు అర్జున్ కెరీర్ను కొత్త స్థాయికి తీసుకెళ్లిన ‘పుష్ప: ది రైజ్’ డిసెంబర్లో విడుదలై ఘన విజయం సాధించింది. ఆ చిత్రం ఆయనకు జాతీయ స్థాయిలో గుర్తింపు తీసుకురావడంతో పాటు నేషనల్ అవార్డును కూడా అందించింది. అలాగే భారీ అంచనాల మధ్య విడుదలైన ‘పుష్ప 2: ది రూల్’ కూడా డిసెంబర్ నెలలోనే ప్రేక్షకుల ముందుకు వచ్చి బాక్సాఫీస్ వద్ద భారీ వసూళ్లు నమోదు చేసింది. దీంతో డిసెంబర్ నెల అల్లు అర్జున్కు లక్కీ మంత్గా మారిందనే అభిప్రాయం అభిమానుల్లో బలపడింది..!!
