ప్రస్తుతం ‘ఇరుముడి’ అనే సినిమా చేస్తున్నారు రవితేజ. శివ నిర్వాణ దర్శకత్వం వహిస్తున్నారు. ఇటీవలే టీజర్ విడుదలైంది. తండ్రీ కూతుర్ల అనుబంధం నేపథ్యంలో సాగే కథ ఇది. ఈ సినిమాతో మాస్ మహారాజా కమ్ బ్యాక్ ఇవ్వడం ఖాయమని అభిమానులు ఆశ పడుతున్నారు. త్వరలోనే ఆయన దిల్ రాజు బ్యానర్లో ఓ సినిమా చేయబోతున్నారు. ఓ కొత్త దర్శకుడు ఈ సినిమాతో పరిచయం అవుతున్నారు..
కథ చాలా బాగా వచ్చిందని టాక్. పైగా దిల్ రాజు బ్యానర్ ఆయె. కాబట్టి..మినిమం గ్యారెంటీ ఉంటుంది. ఆ తరవాత వివేక్ ఆత్రేయ కూడా లైన్ లో ఉన్నాడు. వివేక్ కథలన్నీ సెన్సిటీవ్ గా ఉంటాయి. ఫన్ ఉంటుంది. సో..రవితేజను కొత్తగా చూసే అవకాశం ఉంది. తమిళ దర్శకుడు హరి..రవితేజ కోసం ఓ కథ సిద్ధం చేశారని టాక్. హరి అనగానే ‘సింగం’ సిరీస్ గుర్తుకు వస్తుంది. మాస్ కమర్షియల్ సినిమాలు తీయడంలో ఆయన దిట్ట. రవితేజ బాడీ లాంగ్వేజ్కి, హరి స్టైల్ కీ సరిగ్గా సరిపోతుంది. కాబట్టి..కాంబో పరంగా..ఈ ప్రాజెక్ట్ ఆసక్తిని రేకెత్తిస్తోంది..!!
