valentines day special, anchor sreemukhi says she is in love!

బుల్లితెర యాంకర్లలో శ్రీముఖి గురించి ప్రత్యేకంగా చెప్పనక్కర్లేదు. అందంతో పాటు స్పాంటినిటి.. స్పీడ్, యాస అన్ని తెలిసిన యాంకర్​గా అమెకి ప్రత్యేక గుర్తింపు ఉంది. ఫీమేల్ యాంకర్లలో టాప్​-5లో శ్రీముఖి కూడా ఒకరు అంటే అతిశయోక్తి కాదు. ఇంతకూ ఆమె గురించి ఇప్పుడు చర్చ ఎందుకు వచ్చింది అంటారా? ఆ విషయానికే వస్తున్నాం..నిన్న ప్రేమికుల దినోత్సవం (ఫిబ్రవరి 14). ప్రపంచవ్యాప్తంగా చాలా మంది ఈ రోజు తాము ప్రేమిస్తున్న వారికి ప్రపోజ్ చేస్తుంటారు. ఎందుకంటే ఈ ప్రత్యేకమైన రోజు మరింత స్పెషల్​గా చేసుకునేందుకు.

ఇప్పటికే లవ్​లో ఉన్నవారు మరింత స్పెషల్​గా ఈ రోజును జరుపుకుంటారు. తాజాగా శ్రీ ముఖి కూడా ప్రేమికుల దినోత్సవం సందర్భంగా సోషల్​ మీడియాలో తన ఫొటోను షేర్ చేస్తూ.. ఓ ఆసక్తికర పోస్ట్ పెట్టింది. ‘ఫిబ్రవరి 14 2022 ఈ రోజు.. ఈ రోజు గుర్తు పెట్టుకోండి మళ్లీ మాట్లాడుకుందాం. బెస్ట్ వాలెంటైన్స్ ఎవర్​’ అని ఓ ట్వీట్​ చేసింది. ఈ ట్వీట్​లో హార్ట్​ సింబల్స్, లవ్​ సింబల్స్​తో కూడిన స్మైలింగ్ ఫేస్​ ఈమోజీలను జోడించింది శ్రీముఖి. ఇక ఫోటోలో శ్రీముఖి ఓ ఫ్లవర్ బొకే పట్టుకుని ఉంది.

పోస్ట్​లో ఉన్న లైన్స్​ను, ఫోటోను చూస్తే.. శ్రీముఖి ప్రేమలో పడినట్లు తెలుస్తోందంటున్నారు నెటిజన్లు. ప్రేమికుల రోజు తనకు ప్రపోజ్​ చేయగా.. తాను అంగీకరించినట్లు అర్థమవుతోందని చర్చించుకుంటున్నారు. తాను ఓకే చెప్పిన ఆ వ్యక్తి ఎవరు? అనే విషయంపై మాత్రం శ్రీముఖి క్లారిటీ ఇవ్వలేదు. దీనితో సోషల్ మీడియాలో శ్రీ ముఖి బాయ్​ ఫ్రెండ్ ఎవరా..? అనే విషయంపై పెద్ద ఎత్తున చర్చ సాగుతోంది. మరి అతడెవరో తెలియాలంటే.. శ్రీముఖి నుంచి గానీ.. అవతలి వ్యక్తి నుంచి గానీ అధికారికంగా ప్రకటన రావాల్సి ఉంది.