పాన్ ఇండియా మూవీ పుష్ప మేనియా అంతా ఇంతా కాదు. అటు కలెక్షన్లు..ఇటు ప్రపంచవ్యాప్తంగా మేనియాతో దుమ్ము రేపుతోంది. ఇప్పుడు పుష్ప పార్ట్ 2లో ఓ సీనియర్ నటి విశ్వరూపం కన్పించనుందని తెలుస్తోంది. లెక్కల మాస్టారు సుకుమార్ తెరకెక్కించిన పుష్ప సినిమా ఓ సంచలనంగా మారింది. ఐకాన్ స్టార్ అల్లు అర్జున్, రష్మిక మందన్నాలతో విడుదలైన పుష్ప దేశవ్యాప్తంగా దుమ్ము రేపుతోంది. ముఖ్యంగా ఉత్తరాదిన ఈ సినిమా భారీ కలెక్షన్లు చేస్తోంది. అటు పుష్ప పాటలకు స్టెప్పులతో ప్రపంచవ్యాప్తంగా మేనియా వచ్చేసింది. అన్ని రంగాల్లో పుష్ప మేనియా స్పష్టంగా కన్పిస్తోంది. ఉత్తరాది బాక్సాఫీసును పుష్ప సినిమా ఊపేస్తోంది.
ఏ విధమైన ప్రమోషన్స్ లేకుండానే పుష్ప సినిమా బాలీవుడ్‌లో వందలకోట్లు వసూలు చేయడం విశేషం..పుష్ప సినిమా పార్ట్ 1 విజయంతో లెక్కల మాస్టారు సుకుమార్..పుష్ప 2 పనులు వేగంగా కొనసాగిస్తున్నారు. ఇప్పుడీ సమయంలో పుష్ప రెండవ భాగం గురించి ఆసక్తికరమైన అప్‌డేట్ బయటకు వచ్చింది. పుష్ప 2లో సీనియర్ నటి ఇంద్రజకు కీలకమైన పాత్ర ఆఫర్ వచ్చిందట. స్వయంగా దర్శకుడు సుకుమార్ ఈ ఆఫర్ ఇచ్చాడట. పుష్ప మొదటిభాగంలో అనసూయ పాత్రను మించి..పుష్ప రెండవ భాగంలో ఇంద్రజ పాత్ర ఉండనుందని తెలుస్తోంది. అయితే ఈ విషయం ప్రస్తుతం ఇంకా నిర్ధారణ కాలేదు. సినిమా వీధుల్లో మాత్రం గట్టిగానే వైరల్ అవుతోంది.
