వెండితెరపై టాప్ హీరోయిన్‌గా ఓ వెలుగు వెలిగిన సమంత.. పెళ్లి తర్వాత కూడా మంచి ఆఫర్లు దక్కించుకుంటూ షాకిస్తోంది. అయితే ఇటీవల సినిమాలను కాస్త పక్కన పెట్టిన అక్కినేని వారి కోడలు డిజిటల్ వేదికపై కన్నేసింది. ఈ క్రమంలోనే ఆహా యాప్ కోసం ‘సామ్ జామ్’ షో నిర్వహిస్తూ టాప్ సెలబ్రెటీలను ఇంటర్వ్యూలు చేస్తోంది. త్వరలోనే ‘ఫ్యామిలీ మ్యాన్-2’ వెబ్ సిరీస్‌లో నటించనుంది. కెరీర్లో ఎంత బిజీగా ఉన్నప్పటికీ తనకు సంబంధించిన సమాచారాన్ని ఎప్పటికప్పుడు సోషల్‌మీడియా ద్వారా వెల్లడిస్తూనే ఉంటుంది.
