ఇస్మార్ట్ శంక‌ర్ చిత్రంతో ఒక్క‌సారిగా లైమ్ లైట్‌లోకి వ‌చ్చిన అందాల ముద్దుగుమ్మ నిధి అగర్వాల్. సోష‌ల్ మీడియాలో చాలా యాక్టివ్‌గా ఉండే నిధి అప్పుడ‌ప్పుడు ప‌లు ఇంట్రెస్టింగ్ విష‌యాలు షేర్ చేస్తూ ఉంటుంది. తాజాగా ఓ పెట్ త‌ప్పిపోయింద‌ని, దాని పేరు కోకో అని తెలిపింది. ఆ కుక్క‌ని ఎవ‌రైన ప‌ట్టించి ఇస్తే ల‌క్ష రూపాయ‌ల రివార్డ్ కూడా ల‌భిస్తుంద‌ని పేర్కొంది నిధి. అంతేకాకుండా ఆ పోస్ట్‌లో కాంటాక్ట్ నెంబర్, పెట్ పేరు, మిగతా వివరాలన్నీ కూడా పొందుపరిచారు.
ఇంత‌కు ఆ కుక్క నిధి పెంపుడు కుక్క‌నా, తెలిసిన వాళ్ల‌దా అనే అనుమానం వ్య‌క్తం చేస్తున్నారు నెటిజ‌న్స్. ప్ర‌స్తుతం నిధి అగర్వాల్ తెలుగులోనే కాకుండా తమిళంలోనూ నిధి అగర్వాల్ మంచి ఆఫర్లతో దూసుకుపోతోన్నారు. ఈ ఏడాది ప్రారంభంలోనే సంక్రాంతి బరిలోకి రెండు చిత్రాలతో దిగారు. శింబు ఈశ్వరన్, జయం రవి భూమి చిత్రాలతో నిధి అగర్వాల్ అక్కడి ప్రేక్షకులను ఆకట్టుకున్నారు.
