కెరీర్ ఆరంభమే బోల్డ్ క్యారెక్టర్లలో నటించడం పాయల్ రాజ్ పుత్ కెరీర్ కి పెద్ద మైనస్ అయిన సంగతి తెలిసిందే. ఆర్.ఎక్స్ 100 తర్వాత పాయల్ రూట్ మార్చకుండా ఆర్డీఎక్స్ అనే డీగ్రేడ్ సినిమాలో నటించడంతో ఆ ప్రభావం కెరీర్ పై చాలా కాలం చూపించింది. అయితే విక్టరీ వెంకటేష్.. రవితేజ లాంటి అగ్ర హీరోలు పాయల్ కి అవకాశం ఇచ్చి ఆదుకునే ప్రయత్నం చేశారు. కానీ ఇప్పటికీ పాయల్ ఫేట్ మాత్రం మారలేదు.
ఇలాంటి సమయంలో ఇప్పుడు మరోసారి తాను ఐటమ్ నంబర్ లో నర్తిస్తోందంటూ ప్రచారం సాగుతుంటే అది తట్టుకోలేక వెంటనే అసలు `నేను ఏ ఐటెమ్ నంబర్ చేయడం లేదు!` అని క్లారిటీ ఇచ్చేశారు. “నేను ఏ పాటలోనూ కనిపించేది లేదని స్పష్టం చేయడానికి పోస్ట్ చేస్తున్నాను.. ధన్యవాదాలు“ అంటూ పాయల్ నర్మగర్భంగా ట్వీట్ చేసారు. అయితే ఎక్కడా బంగార్రాజు అన్న పేరు ఉపయోగించనే లేదు. 2016 బ్లాక్ బస్టర్ సోగ్గాడే చిన్నినాయనాకు బంగార్రాజు సీక్వెల్ అన్న సంగతి తెలిసిందే.
