వంశీ దర్శకత్వంలో వచ్చిన ‘అనుమానస్పదం’ చిత్రం ద్వారా తెలుగు ప్రేక్షకులకు పరిచయమైంది హంసా నందిని. అంతకు ముందు ఒకటి రెండు చిత్రాలు చేసినా.. అనుమానస్పదం చిత్రం ద్వారా హంసా నందినిగా ప్రేక్షకులకు గుర్తుండి పోయింది. కెరీర్ ప్రారంభంలో హీరోయిన్ పాత్రలు చేసిన హంసా ఆ తర్వాత ఐటెం సాంగ్‌లకు పరిమితమైంది. ఈ విషయంపై హంసా నందిని క్లారిటీ ఇచ్చింది.
హీరోయిన్‌గా తనకు రొటీన్ పాత్రలు వచ్చాయని, ఆ పాత్రలు నచ్చకపోవడంతో ఐటెం సాంగ్స్ వైపు మళ్లానని చెప్పింది. ప్రాధాన్యత లేని హీరోయిన్ పాత్రలు చేయడంకన్నా ఐటెం సాంగ్స్ చేయడమే మేలని చెప్పింది. అంతేకాదు.. తనకు సాంగ్స్, డ్యాన్స్ అంటే చాలా ఇష్టమట. అందుకే ప్రత్యేక గీతాల్లో నటిస్తున్నానని చెప్పింది.
