గత ఏడాది ఏప్రిల్‌లో విడుదలైన సల్మాన్‌ ‘కిసీ కా భాయ్‌ కిసీకి జాన్‌’ తర్వాత పూజా హెగ్డే సినిమా ఒక్కటి కూడా విడుదల కాలేదు. దాదాపు ఏడాది నుంచి తమ అభిమాన తార వెండితెరపై కనిపించకపోవడం పూజా అభిమానులను ఆవేదనకు గురి చేస్తున్న అంశం..అయితే..ఈ బాధ ఈ ఏడాది అక్టోబర్‌ 11వరకేనని..
ఆరోజు షాహిద్‌కపూర్‌తో తాను నటిస్తున్న ‘దేవ’ విడుదల కానున్నదని, అందులో కొత్త పూజాని చూస్తారని మంగళూరు భామ పూజా అంటున్నారు. తన కెరీర్‌లో ఇప్పటివరకూ చేయని భిన్నమైన పాత్రను ‘దేవ’లో చేస్తున్నట్టు చెప్పారు. ఓ హై ప్రొఫైల్ కేస్‌ ఇన్విస్టిగేషన్‌ నేపథ్యంలో ఈ సినిమా కథ నడుస్తుందని, కథనం షాక్‌కు గురిచేస్తుందని పూజా తెలిపారు..!!
