శేఖర్ కమ్ముల దర్శకత్వంలో లవ్‌ స్టోరీలో నటిస్తోన్న నాగ చైతన్య.. ఆ తరువాత మనం ఫేమ్‌ విక్రమ్‌ కుమార్‌ దర్శకత్వంలో నటించేందుకు సిద్దమవుతున్నారు. ఇక ఇందులో హీరోయిన్‌గా మొదట సమంత పేరు వినిపించింది. అయితే ఆ వార్తలను దర్శకుడు కొట్టిపారేశారు. సమంత ఇందులో నటించడం లేదని విక్రమ్‌ చెప్పారు. ఇక ఆ తరువాత ఈ మూవీలో చైతూ సరసన జాతీయ అవార్డు గ్రహీత కీర్తి సురేష్‌ నటించబోతున్నట్లు టాక్ నడిచింది. అయితే ఈ విషయంలో మేకర్స్ ఆలోచిస్తున్నట్లు ఫిలింనగర్‌లో టాక్ నడుస్తోంది.
మొదట కీర్తినే తీసుకోవాలని అనుకున్నప్పటికీ, పెంగ్విన్ మూవీ ఫలితంతో దర్శకనిర్మాతలు ఆలోచనలో పడ్డట్లు తెలుస్తోంది. కీర్తి నటించిన ఈ చిత్రం ప్రేక్షకులను పెద్దగా ఆకట్టుకోలేదు. ఈ నేపథ్యంలో చైతూ మూవీ కోసం రష్మిక పేరును దర్శకనిర్మాతలు పరిశీలిస్తున్నట్లు టాక్. నాగచైతన్య సైతం రష్మిక పేరునే చెప్పినట్లు తెలుస్తోంది. మరి ఈ మూవీలో చైతూ ఎవరితో రొమాన్స్ చేయబోతున్నారో తెలియాలంటే అధికారిక ప్రకటన వచ్చే వరకు ఆగాల్సిందే.
