సూపర్ స్టార్ కృష్ణ, మెగా స్టార్ చిరంజీవి కాంబినేషన్ లో నవభారత్ బాబు రావు గారు నిర్మించాలి అనుకున్న” అగ్నిజ్వాల” చిత్రం సెట్స్ మీదకు వెళ్లకుండానే ఆగి పోయింది..మలయాళ చిత్రం ” అనంగల్ ” హక్కులు కొన్న బాబు రావు గారు , తెలుగు నేటివిటీ కి తగ్గట్టు ఆత్రేయ గారి చేత కథ లో మార్పులు చేయంచారు, అది చుసిన కృష్ణ గారు ఒకే చెప్పారు. అది అక్క తమ్ముళ్ల కథ కావటం తో జయంతి గారిని అక్క పాత్రకు తమ్ముళ్లు గ కృష్ణ, చిరంజీవి ని అనుకున్నారు. చిరంజీవి గారు కూడా కృష్ణ గారితో కలసి నటించటానికి ఉత్సాహం చూపారు.
చిరంజీవి గారి కోసం ప్రయత్నించిన బాబు రావు గారికి ఆయన డేట్స్ అడ్జస్ట్ చేయటం కొంత ఆలస్యం అయింది. ఈ లోపు విష్ణు వర్ధన్ నటించిన కన్నడ చిత్రం “అసాధ్య ఆర్య” చూసిన కృష్ణ గారు అగ్ని జ్వాల కథ కంటే బాగుంది అని చెప్పటం తో బాబు రావు ఈ కన్నడ చిత్రం హక్కులు కొని” మాయదారి అల్లుడు” పేరుతో నిర్మించారు. చిత్రం విజయవంతం అయింది. అయినా తరువాతి కాలం లో ” అగ్ని జ్వాల” చిత్రాన్ని మోహన్ బాబు, నరేష్ కాంబినేషన్ లో నిర్మించి విజయం సాధించారు బాబు రావు.
