స్టార్ డైరెక్టర్ పూరిజగన్నాథ్ త‌న‌యుడు ఆకాష్ పూరి హీరోగా న‌టిస్తోన్న సినిమా ‘రొమాంటిక్’. బాలీవుడ్ హాట్ కేతికా శ‌ర్మ హీరోయిన్ గా నటిస్తుంది. ఈ మూవీకి పూరి జగన్నాథ్ క‌థ, స్క్రీన్‌ప్లే, డైలాగ్స్ స‌మ‌కూరుస్తున్నారు. ఈ సినిమా ద్వారా అనిల్ పాదూరి డైరెక్ట‌ర్‌గా ప‌రిచ‌య‌మ‌వుతున్నారు. ఈ మూవీని పూరి జగన్నాథ్ టూరింగ్ టాకీస్‌, పూరి క‌నెక్ట్స్ బ్యాన‌ర్ల‌పై పూరి, ఛార్మీ కౌర్ సంయుక్తంగా ఈ చిత్రాన్ని నిర్మిస్తున్నారు. కంప్లీట్ రొమాంటిక్ ఎంటర్టైనర్ గా తెరకెక్కుతున్న ఈ సినిమాలో కీలక పాత్ర‌లో ర‌మ్య‌కృష్ణ నటిస్తున్నారు. సునీల్ క‌శ్య‌ప్ మ్యూజిక్ స‌మ‌కూరుస్తున్నారు. జూన్ 18న ఈ చిత్రాన్ని థియేటర్లలో విడుద‌ల చేయాలని భావించారు.. తాజా సమాచారం మేరకు రొమాంటిక్ చిత్రం అమెజాన్ ప్రైమ్ లో రిలీజ్ కి సిద్ధమవుతోందని ప్రచారం సాగుతోంది. రొమాంటిక్ సినిమాకు అమెజాన్ ప్రైమ్ నుంచి అదిరిపోయే డీల్ కుదిరిందని టాక్ నడుస్తోంది.
