బాలీవుడ్ లో ఘన విజయం సాధించిన ‘అంధాధున్‌’ సినిమాను తెలుగులో రీమేక్ చేస్తున్నారు. ఈ సినిమాలో నితిన్ హీరోగా నటిస్తున్నారు. నితిన్ కి జోడీగా హీరోయిన్ నభా నటేశ్ నటిస్తున్నారు. ఈ సినిమాకు మేర్లపాక గాంధీ దర్శకత్వం వహిస్తున్నారు. ఈ సినిమాకు మహతి స్వరసాగర్‌ సంగీతం అందిస్తుండగా, హరి కె. వేదాంత్‌ ఛాయాగ్రాహకుడుగా పని చేస్తున్నారు. ‘ఠాగూర్‌’ మధు సమర్పణలో ఎన్‌. సుధాకర్‌రెడ్డి, నిఖితారెడ్డిలు ఈ సినిమాను నిర్మిస్తున్నారు. హిందీలో రాధిక ఆప్టే పోషించిన పాత్రను తెలుగులో నభా నటేశ్ పోషిస్తున్నారు. ‘అంధాధున్‌’లో నెగిటివ్ ఛాయలు ఉన్న కీలక పాత్రలో టబు నటించారు. అయితే తెలుగులో ఈ పాత్ర కోసం పలువురు హీరోయిన్లను సంప్రదించారు. చివరకు ఈ పాత్రలో నటించేందుకు మిల్క్ బ్యూటీ తమన్నా అంగీకరించారు. ఈ సినిమా షూటింగ్ వచ్చే నవంబర్ లో ప్రారంభించనున్నారు. వరుస విజయాలతో జోరు మీదున్న నితిన్ ఈ సినిమాపై భారీ ఆశలు పెట్టుకున్నారు.
