ఐకాన్ స్టార్ అల్లు అర్జున్, లెక్కల మాస్టర్ సుకుమార్ కాంబినేషన్లో పుష్ప2 సినిమా కోసం ఫ్యాన్స్ తో పాటు మొత్తం ఇండియా ఎంతో ఈగర్ గా వెయిట్ చేస్తోంది. అప్పుడెప్పుడో వచ్చిన గ్లిమ్ప్స్ మినహా అఫీషియల్ గా ఈ సినిమా గురించి ఎలాంటి అప్డేట్ రాలేదు. భారీ బడ్జెట్ తో సుకుమార్ పక్కా ప్లానింగ్ తో చేస్తున్న ఈ సినిమా షూటింగ్ స్పాట్ నుండి రీసెంట్ గా రిలీజైన వీడియో సినిమాపై అంచనాలు పెంచేసింది. ఇప్పుడు పుష్ప 2 గురించి దిమ్మ తిరిగి మైండ్ బ్లాక్ అయ్యే గాసిప్ సోషల్ మీడియాలో హల్చల్ చేస్తోంది.
అదేంటంటే, ఈ సినిమాలో ఉర్ఫీ జావేద్ ఐటమ్ సాంగ్ చేస్తోందట. పార్ట్ 1లో సమంత చేసిన సాంగ్ కి బ్లాక్ బస్టర్ రెస్పాన్స్ వచ్చిన నేపథ్యంలో పార్ట్ 2లో ఐటమ్ సాంగ్ ఏ రేంజ్ లో ఉంటుందో అని ఎదురు చూస్తున్న ఫ్యాన్స్ కి ఈ న్యూస్ షాకింగ్ అనే చెప్పాలి. పాన్ ఇండియా సెన్సేషన్ అయిన ఈ మూవీలో ఐటమ్ సాంగ్ అంటే స్టార్ హీరోయిన్స్ సైతం డేట్స్ ఇచ్చే పరిస్థితి ఉన్నప్పుడు ఈ డర్టీ బ్యూటీని సెలెక్ట్ చేయటం ఎందుకని ఫ్యాన్స్ కామెంట్ చేస్తున్నారు. మరి, ఈ న్యూస్ లో నిజమెంతో, ఉర్ఫీ జావేద్ ని టాలీవుడ్ ఆడియెన్స్ యాక్సెప్ట్ చేస్తారా లేదా అన్నది చూడాలి..!!
