తాజాగా ఎన్టీఆర్ పుట్టినరోజు బుచ్చిబాబుతో సినిమా ప్రచారం కాదు నిజమేనని ఖరారైంది. అందరు సినీ పెద్దలు, దర్శక, నిర్మాతల మాదిరే బుచ్చిబాబు కూడా ఎన్టీఆర్ కు శుభాకాంక్షలు చెప్పారు. అయితే.. అందులో తన సినిమాను ప్రస్తావించాడు. లోకల్ కథను ప్రపంచస్థాయిలో చెప్పి ట్రెండ్ సృష్టిద్దాం. అందుకోసం ఎదురుచూస్తున్నాను సర్’ అంటూ.. బుచ్చిబాబు ఎన్టీఆర్ తో సినిమా మీద ఒక హింట్ ఇచ్చి వాదిలాడు. దీంతో అభిమానులు దీనిపై సోషల్ మీడియాలో తెగ చర్చలు మొదలు పెట్టారు.
దర్శకుడు సుకుమార్ శిష్యుడిగా బుచ్చిబాబుకు ఎన్టీఆర్ తో మంచి అనుబంధం ఉంది. అయితే.. రెండో సినిమానే ఎన్టీఆర్ తో అంటే ఎందుకో ఇది ప్రచారమే అనుకున్నారు. ఎందుకంటే ప్రస్తుతం ఎన్టీఆర్ వద్ద కొరటాల శివ, ప్రశాంత్ నీల్ లాంటి దర్శకుల క్యూ ఉంది. ఇలాంటి తరుణంలో బుచ్చిబాబుకి అవకాశం ఇస్తారా అనుకున్నారు. కానీ ఇప్పుడు బుచ్చి మాటలను బట్టి చూస్తే సినిమా ఒకే అవడమే కాదు సినిమాలో ఏదో పెద్ద విశేషమే దాగి ఉందని చెప్పుకుంటున్నారు. మరి ఆ విశేషం ఏమిటో తెలియాలంటే ఇంకొంత కాలం ఆగాల్సిందే..
