యంగ్ రెబల్ స్టార్ ప్రభాస్ అభిమానులకు ఈ నెల 23న పండగ రోజు. బాహుబలి పుట్టింది ఆరోజే! హీరో బర్త్ డే అభిమానులకు ఇప్పుడు స్పెషలే కదా! ఈ ఏడాది ప్రభాస్ బర్త్ డే ను మరింత స్పెషల్ గా మార్చేందుకు ముగ్గురు దర్శకులు సిద్ధం అవుతున్నారు. అభిమానులకు కానుకలు సిద్ధం చేస్తున్నారు. ప్రస్తుతం ఇటలీలో ‘రాధే శ్యామ్’ చిత్రీకరణలో ప్రభాస్ పాల్గొంటున్నారు. పుట్టిన రోజున అక్కడే ఉంటారు. బర్త్ డే స్పెషల్ కింద ఆ సినిమా యూనిట్ నుండి కొత్త పోస్టర్ లేదా టీజర్ విడుదల చేయనున్నట్లు తెలుస్తోంది. అలాగే, దర్శకుడు నాగ్ అశ్విన్ కూడా ప్రభాస్ అభిమానులకు ఓ సర్ప్రైజ్ రెడీ చేస్తున్నారు. నాగ్ అశ్విన్ దర్శకత్వంలో ప్రభాస్ తో సైన్స్ ఫిక్షన్ ఫాంటసీ ఫిలిం చేయనున్న సంగతి తెలిసిందే. చిత్రీకరణ ఇంకా ప్రారంభించలేదు కనుక ఆరోజు పోస్టర్ విడుదల చేయడం కుదరదు. కానీ, ఏదో ఒక స్పెషల్ న్యూస్ అందించనున్నారు. ‘కేజీఎఫ్’ ఎఫ్ ఎమ్ ప్రశాంత్ నీల్ దర్శకత్వంలో చేయనున్న సినిమా ప్రకటన కూడా ఆ రోజు వచ్చే అవకాశం ఉందని తెలుస్తోంది.
