తెలుగులో ఫ్యామిలీ చిత్రాల దర్శకుడిగా ఎస్వీ కృష్ణారెడ్డి తనకంటూ ప్రత్యేక గుర్తింపు తెచ్చుకున్నాడు. ఎక్కువ కుటుంబ కథా చిత్రాలతో తెలుగు ప్రేక్షకులను అలరించాడు. ఈయన తెలుగులో కృష్ణ,బాలకృష్ణ, నాగార్జున వంటి అగ్ర హీరోలతో సినిమాలు తెరకెక్కించారు. కానీ చిరంజీవితో ఏ సినిమాను తెరకెక్కించలేకపోయారు. దీనిపై అలీ టాక్ షోలో ఎస్వీ కృష్ణారెడ్డి మాట్లాడుతూ. చిరంజీవి గారితో శుభలగ్నం తర్వాత సినిమాను చేయాలని రెడీ అయ్యాను. అశ్వినీదత్ గారు నిర్మించేందుకు ముందుకు వచ్చారు. సినిమాను లాంచ్ కూడా చేశాము. అయితే సినిమాకు హై టెక్నాలజీ అవసరం.. ఎక్కువ బడ్జెట్ కావాల్సి వచ్చింది.
దాంతో ఆ బడ్జెట్ వర్కౌట్ అవుతుందో లేదో అనే భయంతో సినిమాను వదిలేశాం. ఇప్పుడు అది చేస్తే ఖచ్చితంగా భారీ సినిమా అవుతుంది. అలా మొదటి సారి చిరంజీవి గారితో చేసే అవకాశం చేజారింది. ఆ తర్వాత చిరంజీవి గారు హీరోగా రాఘవేంద్ర రావు గారి దర్శకత్వంలో రూపొందిన ఒక సినిమాకు నన్ను సంగీతం అందించమన్నారు. ఆ సమయంలో నేను ఇతర సినిమాలతో బిజీగా ఉండటం వల్ల నో చెప్పాను. అలా రెండు సార్లు చిరంజీవి గారితో వర్క్ చేసే అవకాశం చేజారిందని ఎస్వీ కృష్ణారెడ్డి అన్నారు..
