నందమూరి బాలకృష్ణ ప్రస్తుతం టాలెంటెడ్ డైరెక్టర్ అనిల్ రావిపూడితో ఓ మాస్ మూవీ చేస్తున్న సంగతి తెల్సిందే. ఈ సినిమాలో బాలయ్య జోడీగా కాజల్ అగర్వాల్ నటిస్తుండగా.. కూతురి పాత్రలో యంగ్ బ్యూటీ శ్రీలీల నటిస్తోంది. అయితే ఈ సినిమాలో మిల్కీ బ్యూటీ తమన్నాతో ఓ ఐటెం సాంగ్ చేయనుందనే వార్త జోరుగా వినిపిస్తోంది. అంతేకాదు ఇందుకోసం కోటిన్నర డిమాండ్ చేసినట్టు వార్తలు వచ్చాయి. వీటిపై తాజాగా తమన్నా స్పందించింది…
ఇందులో భాగంగా ఆమె..తనకు బాలయ్య సర్, అనిల్ రావిపూడిపై ఎంతో గౌరవం ఉందని తెలిపింది. వారి సినిమా కోసం తనను ఒప్పించాల్సిన అవసరం లేదని, ఆ టీంలో పనిచేయడాన్ని తానెంతో ఎంజాయ్ చేస్తానని తెలిపింది. అయితే, తాను ఐటెం సాంగ్ చేస్తున్నట్టుగా తప్పుడు వార్తలు రాయడం తనను బాధించిందని తెలిపింది. ఇక తమన్నా సినిమాల విషయానికి వస్తే ప్రస్తుతం ఆమె మెగాస్టార్ హీరోగా వస్తన్న భోళా శంకర్ సినిమాలో నటిస్తోంది. మెహర్ రమేష్ దర్శకత్వంలో రానున్న ఈ సినిమా ఆగస్టు 11న ప్రేక్షకుల ముందుకు రానుంది..!!
