చెర్రీ తన రెమ్యూనిరేషన్ ను భారీగా పెంచేశాడు అంటూ నేషనల్ మీడియాతో పాటు… సోషల్ మీడియాలో కూడా రూమర్స్ చక్కర్లు కొడుతున్నాయి. రామ్ చరణ్ ఇప్పుడు 100 కోట్ల రూపాయలు తీసుకుంటున్నాడని…తన తదుపరి రెండు సినిమాలకు కూడా చెర్రీ 100 కోట్లు రెమ్యునరేషన్ డిమాండ్ చేశాడని పుకార్లు చక్కర్లు కొడుతున్నాయి. అయితే తాజాగా ఆ రూమర్స్ నిజం కాదని చరణ్ స్వయంగా పేర్కొన్నారు.
తాజాగా ఓ ఇంటర్వ్యూలో 100 కోట్లు రెమ్యూనరేషన్ తీసుకుంటున్నారట కదా…? అనే ప్రశ్న చరణ్ కు ఎదురైంది. దానికి సమాధానంగా అవన్నీ నిరాధారమైన రూమర్స్ అని అన్నారు. ఈ 100 కోట్లు ఎక్కడివి.. ? ఎవరు ఇస్తున్నారు నాకు..? ముందుగా ఆ 100 కోట్లు ఎక్కడున్నాయో తెలుసుకోవాలనుకుంటున్నాను” అని చరణ్ నవ్వుతూ చెప్పాడు.
రాజమౌళి దర్శకత్వంలో వస్తున్న మాగ్నమ్ ఓపస్ ‘ఆర్ఆర్ఆర్ లో ఎన్టీఆర్ తో కలిసి రామ్ చరణ్ కనిపించనున్నాడు. ఈ చిత్రం జనవరి 7న విడుదలకు సిద్ధమవుతోంది. తెలుగు, తమిళం, హిందీ మరియు మలయాళ భాషల్లో సినిమాను ప్రమోట్ చేస్తూ ముగ్గురూ దేశమంతటా పర్యటిస్తున్నారు. కొన్నేళ్ల క్రితం జంజీర్‌ తో బాలీవుడ్ లో ప్రయత్నం చేసి విఫలమైన తర్వాత రామ్ చరణ్ చేస్తున్న మరో బాలీవుడ్ చిత్రమిది.
