యంగ్ టైగర్ ఎన్టీఆర్ మెగా పవర్ స్టార్ రామ్ చరణ్ హీరోగా నటించిన తాజా చిత్రం ఆర్ఆర్ఆర్. ఈ సినిమా కి రాజమౌళి దర్శకత్వం వహించారు. ఈ సినిమా జనవరి 7న ప్రపంచ వ్యాప్తంగా విడుదల కు సిద్ధంగా ఉంది. 12 భాషల్లో ఈ చిత్రాన్ని విడుదల చేస్తున్నారు. దాంతో చిత్ర యూనిట్ అన్ని రాష్ట్రాలలో ప్రమోషన్స్ కార్యక్రమాలు చేపడుతోంది. అయితే తాజాగా ఓ ఇంటర్వ్యూలో యంగ్ టైగర్ ఎన్టీఆర్ ఆసక్తికర వ్యాఖ్యలు చేసారు .
తను 17 ఏళ్లకే హీరోగా ఎంట్రీ ఇచ్చానని రెండో సినిమాకే స్టార్ స్టేటస్ ను చూశానని చెప్పారు. కానీ కొన్నేళ్ళ తర్వాత సినిమాలు వరుసగా ఫ్లాప్ అయ్యాయని ఆవేదన వ్యక్తం చేశారు. ఆ సమయంలో డిప్రెషన్ లోకి వెళ్లానని చెప్పారు. ఆ పరిస్థితి నుంచి బయట పడటం లో దర్శకుడు రాజమౌళి సహాయం చేశారని చెప్పారు. తనతో యమదొంగ లాంటి సూపర్ హిట్ తీసి తనను సక్సెస్ ట్రాక్ లో నిలబెట్టారని ఎన్టీఆర్ ఎమోషనల్ అయ్యారు.
