రకుల్ ప్రీత్.. అందం, అదృష్టం అన్నీ కలగలిపిన రూపం. కెరీర్ స్టార్టింగ్‌లోనే మంచి హిట్స్ రావడం ఈ అమ్మడికి కలిసి వచ్చింది. మెల్లి మెల్లిగా స్టార్స్ దృష్టిలో పడటంతో మంచి అవకాశాలు వచ్చాయి. ఎన్టీఆర్, రామ్ చరణ్,మహేష్, అల్లు అర్జున్ వంటి వారి సరసన నటించి బ్లాక్ బస్టర్ హిట్స్ దక్కించుకుంది. అయితే ఎంత వేగంగా కెరీర్‌లో స్టార్ హీరోయిన్ అనిపించుకుందో అంతే వేగంగా డౌన్ ఫాల్ అయింది. గత కొన్నేళ్లుగా హిట్ అనేది లేకుండా పోయింది.
ప్రస్తుతం రకుల్ మాత్రం క్వారంటైన్ సమయాన్ని ఎంజాయ్ చేస్తోంది.ఒలింపిక్ పథక గ్రహీత కరణం మల్లీశ్వరి బయోపిక్ లో నటించేందుకు రకుల్ సన్నద్ధమవుతోందని కథనాలొస్తున్నాయి. అయితే దీనికి సంబంధించిన అధికారిక ప్రకటన రావాల్సి ఉంది. మరో వైపు ఓ ద్విభాషా చిత్రంలో ప్రయోగాత్మక పాత్రలో కనిపించనుందట. పీకే సినిమాలో అమీర్ ఖాన్ స్ఫూర్తి తో రకుల్ ప్రీత్ సింగ్ కూడా ఏలియన్ గా నటిస్తోందని తెలుస్తోంది. ఇందుకోసం రకుల్ సెమీ న్యూడ్ గా కనిపించబోతుందట.
