అల్లు అర్జున్ పుష్ప..ఏ రేంజ్ లో సక్సెస్ అయిందో అందరికీ తెలిసిందే. ఇక ఇందులో అల్లు అర్జున్ కుడి భుజంగా ఆయనకు స్నేహితుడు పాత్రలో నటించిన కేశవ అలియాస్ జగదీష్ ప్రతాప్ భండారి తాజాగా వివాదంలో చిక్కుకున్నారు. ఇక ఈ నటుడు వేధింపులతో పంజాగుట్ట పరిధిలో నివాసం ఉంటున్న జూనియర్ ఆర్టిస్ట్ అయిన ఒక మహిళ గత నెల 29వ తేదీన ఉరి వేసుకొని ఆత్మహత్య చేసుకుంది. ఈ ఘటనపై కేసు నమోదు చేసిన పోలీసులు విచారణ చేపట్టగా.. మహిళ ఆత్మహత్యకు గల కారణాలను తెలుసుకున్నారు.
ఇక అందులో భాగంగానే ఇప్పుడు షాకింగ్ విషయాలు వెలుగులోకి వచ్చాయి. ఇకపోతే ఆత్మహత్య చేసుకున్న ఆ మహిళ గత నెల 27వ తేదీన ఒక వ్యక్తితో ఉన్న సమయంలో ఆమెకు తెలియకుండానే జగదీష్ ఫోటోలు తీసి ఆ తర్వాత వాటిని చూపించి ఆమెను బెదిరించాడట. దీంతో మనస్థాపానికి గురైన జూనియర్ ఆర్టిస్టు ఉరివేసుకొని బలవన్మరణానికి పాల్పడిందని పంజాగుట్ట పోలీసులు వెల్లడించారు..!!
