ప్రస్తుతం ప్రభాస్ చేతిలో మూడు సినిమాలున్నాయి. వీటి బడ్జెట్ అక్షరాలా రూ.900 కోట్లు. రిలీజ్ నాటికి ప్రమోషన్స్ వంటివాటితో కలిపి మరో 100 కోట్లు పెరిగినా ఆశ్చర్యపోనక్కర్లేదు. ‘జిల్’ ఫేం రాధాకృష్ణ దర్శకత్వంలో చేస్తున్న ‘రాధేశ్యామ్’ సినిమా బడ్జెట్ 150 కోట్ల రూపాయలు.. యూవీ క్రియేషన్స్ సంస్థ నిర్మిస్తోంది. తర్వాత నాగ్ అశ్విన్ దర్శకత్వంలో వైజయంతీ మూవీస్ నిర్మించబోయే సైన్స్ ఫిక్షన్ మూవీ బడ్జెట్ 250 కోట్లు అనుకుంటున్నారు.
ఈరోజు ప్రకటించిన ‘ఆదిపురుష్’ బడ్జెట్ అయితే ఏకంగా 500 కోట్లు.. ప్రభాస్ కెరీర్లో తెరకెక్కుతున్న ఫస్ట్ భారీ బడ్జెట్ మూవీ ఇదే. టీ సిరీస్ సంస్థ ఈ చిత్రాన్ని నిర్మించ‌నుంది. హిందీ, తెలుగు భాష‌ల్లో తెరకెక్క‌నున్న ఈ చిత్రాన్ని తమిళ్, క‌న్న‌డ, మ‌ల‌యాళ భాష‌ల్లో అనువాదం చేయ‌నున్నారు. ఈ చిత్రాన్ని త్రీడీలో రూపొదించ‌నుండ‌టం విశేషం. ఇలా మూడు సినిమాల బడ్జెట్ కలిపితే రూ.900 కోట్లు అవుతోంది. ‘ఆదిపురుష్’లో ప్రభాస్ రాముడిగా కనిపించనున్నాడని తెలుస్తోంది.
