బోయ‌పాటి ద‌ర్శ‌క‌త్వంలో వ‌చ్చిన ‘అఖండ’కు ఇది సీక్వెల్. దీంతో ఈ మూవీపై అంచ‌నాలు భారీగానే ఉన్నాయి. ఈ సినిమా షూటింగ్ శరవేగంగా జరుగుతోంది. ఇటీవ‌లే ప్రయాగ్ రాజ్ మహా కుంభమేళాలో ఓ షెడ్యూల్ షూటింగ్ కూడా పూర్తయ్యింది. అయితే, తాజాగా మేకర్స్ ఈ సినిమాలో నటించనున్న మరో హీరోయిన్‌ పేరును వెల్ల‌డించారు. యంగ్ బ్యూటీ సంయుక్త మేనన్ ‘అఖండ 2’లో నటించనున్నట్లు శుక్రవారం అధికారికంగా ప్రకటించారు. ఈ మేర‌కు ‘ఎక్స్’ (ట్విట్ట‌ర్‌) వేదిక‌గా ఓ పోస్టు పెట్టారు.
“టాలెంటెడ్ నటి సంయుక్తకు ‘అఖండ 2’ ప్రాజెక్ట్ లోకి స్వాగతం. షూటింగ్ శరవేగంగా జరుగుతోంది. సెప్టెంబర్ 25న గ్రాండ్ గా విడుద‌ల కానుంది” అని మేకర్స్ పోస్ట్ చేశారు. ఇక, ఈనెలాఖ‌రు నుంచి ఈ మూవీ కొత్త షెడ్యూల్ ప్రారంభం కానుంది. త‌మ‌న్ బాణీలు అందిస్తున్న ఈ చిత్రాన్ని నందమూరి తేజస్విని సమర్పణలో 14 రీల్స్ ప్ల‌స్ బ్యాన‌ర్‌పై రామ్ ఆచంట, గోపిచంద్ ఆచంట సంయుక్తంగా భారీ బడ్జెట్ తో నిర్మిస్తున్నారు. కాగా, ప్ర‌గ్యా జైస్వాల్ ఈ చిత్రంలో ఓ క‌థానాయిక‌గా న‌టిస్తున్న సంగ‌తి తెలిసిందే..!!
