స్టార్ హీరోలకు చెందిన అభిమానుల మధ్య మా హీరో గొప్పంటే..కాదు మా హీరో గొప్ప అనుకునే మాటల యుద్ధాలు జరుగుతూనే ఉంటాయి. ఒకప్పుడు ఓ భాషకు మాత్రమే పరిమితమైన ఈ ఫ్యాన్ వార్ ఇప్పుడు సరిహద్దులు దాటుతుంది. అందుకు కారణం సోషల్ మీడియా. దాని పుణ్యమాని ఇతర భాషల హీరోలకు సంబంధించిన ఫ్యాన్ వార్స్ జరుగుతున్నాయి. తాజాగా అలాంటి ఫ్యాన్ వార్ సోషల్ మీడియాలో భాగమైన ట్విట్టర్‌లో సూపర్‌స్టార్ మహేశ్ బాబు, కోలీవుడ్ సూపర్‌స్టార్ విజయ్ అభిమానుల మధ్య చోటు చేసుకుంది.
మహేశ్‌ను టార్గెట్ చేసిన విజయ్ అభిమానులు డమ్మీ స్టార్ మహేశ్ బాబు అని కామెంట్ చేస్తే.. మహేశ్ అభిమానులు విజయ్‌ను టార్గెట్ చేసి రీమేక్ స్టార్ విజయ్ అంటూ తిట్టారు. దింతో వీళ్ళ మధ్య ట్విట్టర్ లో గొడవ తార స్థాయికి చేరింది ..విజయ్ ఫ్యాన్స్ #DummyStarMaheshBabu అని, మహేష్ బాబు ఫ్యాన్స్ #RemakeStarVijay అని హాష్టగ్స్ వాడుతూ ఒకరిపై ఒకరు దురుసుగా ట్రోలింగ్ చేసుకుంటున్నారు.. నిజానికి ఈ ఇద్దరి స్టార్ హీరోల మధ్య మంచి స్నేహమే ఉంటుంది. అది అర్థం చేసుకోలేని ఫ్యాన్స్ మాత్రం ఏదో ఒక వంక పెట్టి గొడవ పడుతూనే ఉంటారు.. మరి ఈ గొడవ ఎప్పుడు సద్దుమణుగుతుందో చూడాలి..
