కల్కి రికార్డుల పరంపరలో మరో రికార్డు బద్దలైంది. బుక్ మై షోలో అత్యధిక టికెట్లు విక్రయమైన సినిమాగా ఇంతకుముందు బాలీవుడ్ బాద్ షా షారుక్ ఖాన్ చిత్రం జవాన్ పేరుమీద రికార్డు ఉండేది. ఆ సినిమాకు సంబంధించి 12.01 మిలియన్ టికెట్లు అమ్ముడుపోయాయి. తాజాగా ప్రభాస్ కల్కి చిత్రం టికెట్లు 12.15 మిలియన్లకు పైగా విక్రయమయ్యాయి. దీంతో షారుక్ రికార్డును ప్రభాస్ బద్దలుకొట్టినట్లైంది.
వసూళ్ల వర్షం కురిపిస్తున్న కల్కి చిత్రం విజయంతోపాటు ఈ రికార్డు కూడా రావడంతో డార్లింగ్ అభిమానులు సోషల్ మీడియాలో ఆనందోత్సాహాలు వ్యక్తం చేస్తున్నారు..ఇప్పటికే రూ.వెయ్యి కోట్ల క్లబ్ లో చేరిన ఈ సినిమా రూ.1200 కోట్లు రాబట్టే దిశగా పయనిస్తోంది. ఈ సినిమా విజయం సాధించడంద్వారా వచ్చిన ఉత్సాహంతో ఉన్న ప్రభాస్ తన తర్వాత చిత్రాలను కూడా శరవేగంగా పూర్తిచేయాలనే ఆలోచనతో ఉన్నారు..!!
