అలీతో స‌ర‌దాగా కార్య‌క్ర‌మంలో విశ్వ‌క్‌సేన్ పాల్గొన్నారు..ఈ సంద‌ర్భంగా విశ్వక్ త‌న పేరు వెన‌కున్న ఆస‌క్తిక‌ర‌మైన స్టోరీని వెల్ల‌డించ‌డం ఆస‌క్తిని రేకెత్తిస్తోంది. విశ్వ‌క్‌సేన్ త‌న అస‌లు పేరు కాద‌ని, జాత‌కాల కార‌ణంగా అలా త‌న పేరుని మార్చుకోవాల్సి వ‌చ్చింద‌ని ఈ సంద‌ర్భంగా స్ప‌ష్టం చేశాడు. త‌న అస‌లు పేరు `దినేష్` అని.. జాత‌కాల కార‌ణంగా త‌న పేరుని ముందు విశ్వ‌క్‌సేన అని పెట్టుకున్నాన‌ని అలా పెట్టుకుంటే జీవితాంతం క‌ష్ట‌ప‌డ‌తావ‌ని మా నాన్న చెప్పార‌ని,
దాంతో త‌న పేరుని విశ్వక్ సేన్‌గా మార్చుకున్నాన‌ని ఈ సంద‌ర్భంగా అలీ అడిగిన ప్ర‌శ్న‌కు స‌మాధానంగా తెలిపాడు విశ్వక్. త‌న పేరు బెంగాళీ న‌టుడి పేరులా వుంద‌ని ఆ త‌రువాత కూడా నాన్న అభ్యంత‌రం చెప్పార‌న్నార‌ని త‌న పేరు వెన‌కున్న అస‌లు స్టోరీని ఈ సంద‌ర్భంగా బ‌య‌ట‌పెట్టారు. దినేష్ అలియాస్ విశ్వ‌క్‌సేన్ న‌టిస్తున్న `పాగ‌ల్‌` చిత్రీక‌ర‌ణ చివ‌రి ద‌శ‌కు చేరుకున్న విష‌యం తెలిసిందే. ఇందుల‌లో హీరోయిన్‌గా నివేదా పేతురాజ్ న‌టిస్తోంది.
