పవర్ స్టార్ గా పవన్ కళ్యాణ్ ని ఆయన అభిమానులు బాగా మిస్ అవుతున్నట్టు ఉన్నారు. బుధవారం కాకినాడ జిల్లా ఉప్పాడ లో జరిగిన వారాహి సభలో డిప్యూటీ సీఎం పవన్ కళ్యాణ్ పాల్గొన్న విషయం తెలిసిందే. ఆ సభలో ఆయన ప్రసంగిస్తుండగా అభిమానులు ఒక్కసారిగా ‘ OG..OG ‘ అని అరిచారు. దీనిపై స్పందించిన పవన్..‘ నాకు సినిమాలు చేసే టైం ఉందంటారా?. ముందు మాట ఇచ్చిన విధంగా ప్రజాసేవ చేసుకొనివ్వండి.
గ్రామాలకు కొత్త రోడ్లు కాదు కదా కనీసం గుంతలు కూడా పూడ్చలేదని జనాలు నన్ను తిట్టుకోకూడదు కదా. ఈ సమయంలో మనం ‘OG ‘ అంటే వాళ్లు ‘క్యాజీ ‘ అంటారు. ఆంధ్ర రాష్ట్ర ప్రజలకు సేవ చేసుకుంటూ కుదిరినప్పుడు రెండు మూడు రోజులు సినిమాలకు కేటాయిస్తాను. విషయంలో క్షమించమని ఇప్పటికే నిర్మాతలకు చెప్పాను. వాళ్ల పనికి అంతరాయం లేకుండా చేస్తానని చెప్పాను’ అని అన్నారు..!!
