సెన్సేషనల్ హీరో విజయ్ దేవరకొండ – డాషింగ్ డైరెక్టర్ పూరి జగన్నాథ్ కాంబినేషన్ లో రూపొందుతోన్న భారీ యాక్షన్ ఎంటర్ టైనర్ ఫైటర్. ఈ చిత్రాన్ని పూరి, ఛార్మి, కరణ్‌ జోహార్ సంయుక్తంగా నిర్మిస్తున్నారు. విజయ్ సరసన బాలీవుడ్ భామ అనన్య పాండే నటిస్తుంది. ముంబాయిలో చాలా వరకు షూటింగ్ జరుపుకుంది. తాజా షెడ్యూల్ ను త్వరలో స్టార్ట్ చేయనున్నారు. బ్యాంకాక్, ఇటలీలో యాక్షన్ సీన్స్ చిత్రీకరించేందుకు ప్లాన్ చేస్తున్నట్టు సమాచారం. ఇదిలా ఉంటే… ఈ సినిమా గురించి ఓ ఇంట్రస్టింగ్ న్యూస్ బయటకు వచ్చింది.
ఇందులో బాలీవుడ్ సీనియర్ హీరో కీలక పాత్ర పోషిస్తున్నారని. ఇంతకీ ఎవరా బాలీవుడ్ సీనియర్ హీరో అంటే.. సునీల్ శెట్టి. ఓ డాన్ పాత్రలో సునీల్ శెట్టి నటిస్తున్నారట. అయితే సునీల్ శెట్టి కేవలం పదిహేను నిముషాల ప్లాష్ బ్యాక్ స్టోరీలో మాత్రమే కనిపిస్తాడని.. పైగా సునీల్ శెట్టి విజయ్ కి ఫాదర్ గా నటిస్తున్నాడని తెలిసింది. ఈ సినిమా గురించి ఈమధ్య కాలంలో ఎలాంటి అప్ డేట్ లేదు. ప్రస్తుతం టీమ్ అంతా షూటింగ్ స్టార్ట్ చేయడానికి రెడీ అవుతున్నారు. దసరా సందర్భంగా ఈ సినిమా అప్ డేట్ రానుందని తెలిసింది.
