ఈ ఏడాది ప్రారంభంలోనే సంక్రాంతికి సరిలేరు నీకెవ్వరు సినిమాతో సూపర్‌ హిట్ అందుకున్నాడు సూపర్‌ స్టార్ మహేష్ బాబు. ఈ సినిమా తరువాత మరో సినిమాను ప్రకటించేందుకు ఆయన చాలా గ్యాప్ తీసుకున్నాడు. ముందు నుండీ శీ పైడిపల్లి దర్శకత్వంలో ఓ సినిమా ఉంటుందని ప్రచారం జరిగినా చివరికి గీతా గోవిందం ఫేం పరశురామ్ దర్శకత్వంలో ఓ సినిమాను ప్రకటించాడు మహేష్. ఈ సినిమా షూటింగ్ నవంబర్ నుండి అమెరికాలో మొదలు కావచ్చని ప్రచారం జరుగుతోంది.
దీనికోసం ఇప్పటికే పరశురామ్ అమెరికా వెళ్ళాడు. యుఎస్ లో సినిమాటోగ్రాఫర్ మాడీతో కలిసి లొకేషన్ల వేటలో పడ్డాడు. ఇక ఈ సినిమాలో మహేష్ కి విలన్ గా కోలీవుడ్ స్టార్ హీరో అరవింద్ స్వామిని ఫైనల్ చేసినట్టు తెలుస్తోంది. ముందు బాలీవుడ్ నటుడు అనిల్ కపూర్ విలన్ గా నటిస్తున్నారని ప్రచారం జరిగినా మళ్ళీ ఎందుకో మార్చి నట్టు తెలుస్తోంది. ఇప్పటికే అరవింద్ స్వామి డేట్లను యూనిట్ లాక్ చేసిందని అంటున్నారు. ఇక ఈ సినిమాలో మహేష్ సోదరి పాత్రలో బాలీవుడ్ నటి విద్యా బాలన్‌ నటించనున్నట్లు తెలుస్తోంది.
