చాలా తక్కువ టైమ్ లో ఎక్కువ ఎత్తుకు ఎదిగింది శ్రీలీల. నిన్న గాక మొన్న ఇండస్ట్రీకి వచ్చిన ఈ బ్యూటీ, ఇప్పుడు పవన్ కల్యాణ్, మహేష్ బాబు లాంటి హీరోలతో సినిమాలు చేస్తోంది. ఆమె కాల్షీట్ల కోసం హీరోలు వెయిట్ చేస్తున్నారు. ఇలాంటి టైమ్ లో ఓ ఇంటర్నేషనల్ సినిమా చేయడానికి అంగీకరించిందంట శ్రీలీల..‘చెన్నై స్టోరీ’ అనే ఇంగ్లీష్‌ సినిమాలో శ్రీలీల నటించబోతోందట. నిజానికి ఈ సినిమాలో స్టార్ హీరోయిన్ సమంత పేరు గట్టిగా వినిపించింది.
కానీ ఆమె స్థానంలో ప్రస్తుతం శ్రీలీల పేరు వినిపిస్తోంది. ఈ సినిమాలో ఇంగ్లాండ్ కు చెందిన వివేక్ కల్రా హీరోగా నటించనున్నాడు. ఫిలిప్ జాన్ దర్శకత్వం వహించనున్నాడు. ఇంగ్లాండ్ కు చెందిన యువకుడికి, చెన్నైకు చెందిన యువతికి మధ్య జరిగే ప్రేమ కథగా ఈ చిత్రం రాబోతోంది. ఈ పాత్రకు శ్రీలీల అయితే సరిగ్గా సరిపోతుందని మేకర్స్ భావిస్తున్నారట. శ్రీలీలకు కూడా కథ బాగా నచ్చింది. అయితే ఇప్పటికిప్పుడు ఆమె కాల్షీట్లు కేటాయించే పరిస్థితిలో లేదు..!!
