శేఖర్ కమ్ముల మరో స్క్రిప్ట్ ను రెడీ చేసుకుంటున్నారు. అదే ‘లీడర్ 2 ‘. ఆల్రెడీ రానాకి కొన్ని సన్నివేశాలు చెప్పాడు. కానీ రానా ఈ ప్రాజెక్టు పై ఇంట్రెస్ట్ చూపించడం లేదని వినికిడి. ‘లీడర్’ మూవీ రానాతో చేసాడు. అది ఓ క్లాసిక్ గా నిలిచింది. ఈ మూవీకి సీక్వెల్ తీయబోతున్నట్లు శేఖర్ కమ్ముల ఎప్పుడో ప్రకటించాడు. ‘అరణ్య’ ప్రీ రిలీజ్ వేడుకలో ఈ విషయాన్ని మరోసారి గుర్తు చేశారు. ‘శేఖర్ కమ్ముల ‘లీడర్2′ గురించి రెండు మూడు సీన్లు చెబుతారు తర్వాత కనబడరు’ అంటూ ‘భీమ్లా నాయక్’ ప్రమోషన్లలో రానా కూడా చెప్పుకొచ్చారు.
అయితే రానా ప్లేస్ లో ఇప్పుడు సూర్యని అనుకుంటున్నాడట శేఖర్ కమ్ముల. ఈ వార్త గత రెండు రోజులుగా వైరల్ అవుతుంది. అర్జున్ ప్రసాద్ రోల్ కు రానా జీవం పోసాడు. అతని పాత్రలో మరెవరినీ ఊహించుకోలేము అన్నంతగా ఆ పాత్రకి కరెక్ట్ గా సెట్ అయ్యాడు రానా. కానీ ఇప్పుడు సూర్య పేరు ఎందుకు తెరపైకి వచ్చింది. సూర్య కూడా ఎలాంటి పాత్రనైనా చాలా ఈజ్ తో చేయగలడు. అతన్ని తీసిపారేయలేము.శేఖర్ కమ్ముల ఒకవేళ మార్కెట్ పరంగా ఆలోచింది సూర్యని అనుకుంటున్నాడా? అనే అనుమానాలు కూడా వ్యక్తమవుతున్నాయి. కానీ అర్జున్ ప్రసాద్ అంటే రానాని తప్ప ఇంకొకరిని ప్రేక్షకులు ఊహించుకోవడం కష్టం.
