సాధారణంగా ఒక సినిమా కు టైటిల్ ఫిక్స్ అయ్యాక దానిని ఎస్టాబ్లిష్ చేయటానికి టైటిల్ సాంగ్ పుడుతుంది కానీ పాట పల్లవి నుంచి టైటిల్ పుట్టిన సినిమా “దేవుడు చేసిన మనుషులు”.పద్మాలయ బ్యానేర్ మీద హీరో కృష్ణ నిర్మించిన ప్రతిష్టాత్మక చిత్రం ” దేవుడు చేసిన మనుషులు” తన అభిమాన నటుడు యెన్.టి.ఆర్. తో తన సొంత బ్యానేర్ లో నిర్మించిన చిత్రం ఇది. తన సినిమాల్లో ఒక్క పాట అయిన మహాకవి శ్రీశ్రీ చేత వ్రాయించె అలవాటు ఉన్న కృష్ణ గారు,
ఈ సినిమా లో దొంగ అయిన యెన్.టి.ఆర్. పాత్ర ఇంట్రడక్షన్ కోసం ఒక పాట పెట్టాలి అనుకోని, శ్రీశ్రీ గారిని కలసి సందర్భం చెప్పటం తో శ్రీశ్రీ గారు పాత్ర యొక్క స్వభావం, సందర్భాన్ని బట్టి ” దేవుడు చేసిన మనుషుల్లారా, మనుషులు చేసిన దేవుళ్ళారా” అంటూ పల్లవి చెప్పారు. ఆ పల్లవి నచ్చటం తో అందులోని పదాలతోనే సినిమా టైటిల్ ఫిక్స్ చేసారు కృష్ణ గారు అదే ” దేవుడు చేసిన మనుషులు” ఆ ఇంట్రడక్షన్ సాంగ్, కాస్త టైటిల్ సాంగ్ అయిపోయింది.
