ఇప్ప‌టి హీరోలు ఆర్థిక సూత్రాల్ని బాగా వంట‌ప‌ట్టించుకుంటున్నారు. సొంతంగా సినిమాలు తీస్తూ… నిర్మాణ రంగాన్ని శాశిస్తున్నారు. ఇంకొంత మంది ర‌క‌ర‌కాల వ్యాపారాలు చేస్తున్నారు. రామ్ చరణ్ కూడా నిర్మాణ రంగంలో ఉన్న సంగతి తెలిసిందే. కొణిదెల ప్రొడ‌క్ష‌న్స్ పేరుతో ఓ నిర్మాణ సంస్థ‌ని స్థాపించి సినిమాలు తీస్తున్నారు. త్వ‌ర‌లోనే ఆయ‌న మీడియా రంగంలో కూడా అడుగుపెట్ట‌బోతున్న‌ట్టు టాక్‌.
రామ్ చరణ్ ఓ టీవీ ఛానల్ ని కొంటున్నార‌న్న‌ది ఇన్ సైడ్ వ‌ర్గాల టాక్‌. `మ‌హా టీవీ` పేరుతో ఓ టీవీ ఛానల్ ర‌న్ అవుతుంది. అయితే కొన్నాళ్లుగా ఈ సంస్థ న‌ష్టాల్లో న‌డుస్తోంది. అందుకే ఈ టీవీ ఛానల్ ని బేరానికి పెట్టారు. ప్ర‌స్తుతం చరణ్ దృష్టి ఈ టీవీ ఛానల్ పై ప‌డింద‌ని తెలుస్తోంది. చేతిలో ఓ టీవీ ఛానల్ ఉంటే త‌మ సినిమాల‌కూ, బాబాయ్ `జ‌న‌సేన` పార్టీకి ఉప‌యుక్తంగా ఉంటుంద‌ని చరణ్ అనుకుంటున్నాడ‌ట. ప్ర‌స్తుతం బేరాలు జ‌రుగుతున్నాయ‌ని, త్వ‌ర‌లోనే మ‌హా.. మెగా సొంతం అవుతుంద‌ని ఇన్‌సైడ్ వ‌ర్గాల టాక్‌.
