ఒక్క ట్వీట్‌తో మహేష్ బాబు, అల్ల అర్జున్‌ల అభిమానులకు టార్గెట్ మారారు అక్కినేని వారి కోడలు సమంత. ప్రస్తతం సమంతను సోషల్ మీడియా వేదికగా మహేష్, బన్నీల ఫ్యాన్స్ ట్రోల్ చేస్తూ ఏకిపారేస్తున్నారు. సుధా కొంగర దర్శకత్వంలో వచ్చిన ఈ చిత్రం ఓటీటీలో విడుదలైనప్పటికీ.. సూపర్ డూపర్ హిట్‌గా నిలిచింది. అయితే ఇటీవల ఈ సినిమా చూసి సూర్య అండ్ హిజ్ టీమ్‌ని ఆకాశానికెత్తేశారు సమంత. అక్కడితో ఆగితే సరిపోయ్యేది.. కానీ, `ఫిల్మ్ ఆఫ్ ది ఇయర్` ఇదే అని ఓపెన్‌గా సర్టిఫికెట్ ఇచ్చేశారు.
దీంతో అసలు రచ్చ మొదలైంది. ఫిల్మ్ ఆఫ్ ద ఇయర్ అదెలా అవుతుంది.. మన సినిమాలేమీ చూడలేదా అని సమంతను ఎదురుప్రశ్నలు వేస్తున్నారు. మరీముఖ్యంగా.. సంక్రాంతికొచ్చిన ఆ రెండు సినిమాల సంగతేంటి అని గుచ్చిగుచ్చి అడుగుతూ అల్లు అర్జున్ మరియు మహేష్ అభిమానులు ట్రోల్ చేస్తున్నారు. ఇండస్ట్రీ హిట్‌గా నిలిచిన ఆ రెండు సినిమాలు వదిలిపెట్టి.. ఏదో పొరుగూరి సినిమాను అంత పొగిడేస్తారా అంటూ కొందరు నెటిజన్లు విమర్శలు గుప్పిస్తున్నారు.
