గత ఏడాది పూరి జగన్నాధ్ దర్శకత్వంలో వచ్చిన ఇస్మార్ట్ శంకర్ సినిమాతో మళ్ళీ మంచి ఫాంలోకి వచ్చాడు హీరో రామ్… ప్రస్తుతం కిషోర్ తిరుమల దర్శకత్వంలో రెడ్ అనే సినిమాని చేస్తున్నాడు. దాదాపుగా చివరి దశకు వచ్చిన ఈ సినిమాని వచ్చే ఏడాది సంక్రాంతికి ధియేటర్లలలో రిలీజ్ చేయనున్నారు. అయితే ఈ సినిమా తర్వాత రామ్ మాటల మాంత్రికుడు త్రివిక్రమ్ శ్రీనివాస్ దర్శకత్వంలో ఓ సినిమాని చేయనున్నాడని తెలుస్తోంది.
ఇక ఈ సినిమాలో రామ్ సరసన అనుపమ పరమేశ్వరన్ హీరోయిన్ గా నటించనుందని తెలుస్తోంది. ఇప్పటికే ఆమెతో సంప్రదింపులు జరగగా ఆమె కూడా ఒకే చెప్పినట్టుగా సమాచారం.. “అ ఆ” సినిమాతో మలయాళీ భామ అనుపమను టాలీవుడ్ కి పరిచయం చేశాడు త్రివిక్రమ్.. అటు రామ్ తో కూడా హలో గురు ప్రేమ కోసమే అనే సినిమాలో హీరోయిన్ గా నటించింది అనుపమ.. ఇక ఈ సినిమాని 40 కోట్ల బడ్జెట్ లోనే తెరకెక్కించనున్నారట..
