బాలీవుడ్ కపుల్ చుంకీ పాండే, భావన పాండేల ముద్దుల వారసురాలు అనన్య పాండే. తండ్రి నటుడు కాగా, తల్లి కాస్టూమ్ డిజైనర్. తల్లిదండ్రుల వారసత్వాన్ని అందిపుచ్చుకుంది అనన్య. ‘స్టూడెంట్ ఆఫ్ ది ఇయర్ 2’ సినిమాతో వెండితెరకు పరిచయమైన అనన్య క్యూట్ లుక్స్ ప్రేక్షకులను ఆకట్టుకుంటున్నాయి.ప్రస్తుతం విజయ్ దేవరకొండతో కలిసి ఫైటర్ చిత్రంలో పూరి జగన్నాధ్ దర్శకత్వంలో నటిస్తోంది. ఆ సినిమా షూటింగ్ సగానికి పైగా పూర్తి అయ్యింది.ఇదే సమయంలో తెలుగులో ఈమెకు వచ్చిన ఆఫర్లను వద్దనకుండా పరిశీలిస్తుందట.
కథ మరియు ఇతర విషయాలు నచ్చితే తప్పకుండా నటిస్తానంటోంది. బాలీవుడ్ లో ఆఫర్లు వస్తున్నా కూడా సౌత్ లో సినిమాలు చేసేందుకు ఆసక్తిగా ఉందట అనన్య . ఇక సూపర్ స్టార్ మహేష్ బాబు తో సర్కారు వారి పాట సినిమాలో అమ్మడు నటిస్తుందని ఈ మధ్య వార్తలు వచ్చాయి. టాలీవుడ్ బాలీవుడ్ అనే తేడా లేకుండా సినిమాలు చేయాలనుకుంటున్న అనన్య పాండే కు ఇక్కడ మంచి భవిష్యత్తు ఉంటుందని విశ్లేషకులు అంటున్నారు.
