RX-100 చిత్రంతో మంచి ఫ్యాన్ ఫాలోయింగ్ ను ఏర్పరుచుకున్నాడు కార్తికేయ. అటు తరువాత కూడా వైవిధ్యమైన కథలను.. ముఖ్యంగా యూత్ కు కనెక్ట్ అయ్యే కథలను ఎంపిక చేసుకుంటూ.. దూసుకుపోతున్నాడు. ప్రస్తుతం ‘చావు కబురు చల్లగా’ అనే చిత్రంలో నటిస్తున్నాడు ఈ కుర్ర హీరో. ఇక ఇదే తరహాలో యూత్ కు దగ్గరైన మరో హీరో విశ్వక్ సేన్.! ‘ఈ నగరానికి ఏమైంది?’ ‘ఫలక్ నుమా దాస్’ ‘హిట్’ వంటి చిత్రాలతో మంచి క్రేజ్ ను సంపాదించుకున్నాడు విశ్వక్.
ప్రస్తుతం ఈ కుర్ర హీరో.. ‘ఓ మై కడవులే'(తమిళ్) రీమేక్ లో నటిస్తున్నాడు. ఇదిలా ఉండగా.. ఈ ఇద్దరు క్రేజీ హీరోలు కలిసి ఓ చిత్రం చేయబోతున్నారనేది తాజా సమాచారం. సస్పెన్స్ థ్రిల్లర్ గా ఆ చిత్రం ఉండబోతుందని తెలుస్తుంది. ఈ క్రేజీ మల్టీస్టారర్ ను విశ్వక్ సేనే నిర్మించబోతున్నాడట. కథ ప్రకారం ఈ చిత్రంలో కార్తికేయ లేదా విశ్వక్ లలో ఒకరు నెగిటివ్ షేడ్స్ ఉన్న పాత్రలో కనిపిస్తారట.
