స్టైలిష్ స్టార్ అల్లు అర్జున్ పాన్ ఇండియా రేంజ్‌లో తెరకెక్కిస్తున్న సినిమా పుష్ప. ఈ సినిమాను ఆల్ టైం హిట్ దర్శకుడు సుకుమార్ రూపొందిస్తున్నారు. ఈ సినిమాతో పాన్ ఇండియా మార్కెట్ కొల్లగొట్టాలని అర్జున్ ప్లాన్ చేస్తున్నారు. సినిమాను కూడా అదే తరహాలో అద్భుతంగా తెరకెక్కిస్తున్నారు. ఈ సినిమాలో లక్కీ బ్యూటీ రష్మిక హీరోయిన్‌గా నటిస్తున్నారు. అయితే ఈ సినిమాలో హీరోయిన్‌గా ముందుగా రష్మికను అనుకోలేదంట.
ఈ విషయాన్ని తాజాగా సుకుమార్ ఓ మీటింగ్‌లో చెప్పారు. మొదటగా పుష్ప సినిమాకు ఓ తెలుగు అమ్మాయిని ఓకే చేశారంట. అందుకు బన్నీ కూడా గ్రీన్ సిగ్నల్ ఇచ్చారంట. కానీ కొన్ని కారణాల కారణంగా ఆ అమ్మాయి సినిమా నుంచి తప్పుకున్నట్లు సుకుమార్ తెలిపారు. అప్పుడు రష్మికను ఓకే చేశారని సుకుమార్ చెప్పుకొచ్చారు. అంతేకాకుండా తన తదుపరి సినిమాలో తప్పకుండా తెలుగు అమ్మాయినే హీరోయిన్‌గా తీసుకుంటానని కూడా అన్నారు.
