కొత్తవారిని, పరభాషా వారిని తెలుగుతెరు పరిచయం చేయటంలో నాగ్ ముందు వరుసలో ఉంటాడు. ఇప్పుడు బాలీవుడ కథానాయిక సోనాక్షి సిన్హాను టాలీవుడ్ కి పరిచయం చేయబోతున్నాడట. నాగార్జున హిట్ సినిమాల్లో ‘సోగ్గాడే చిన్నినాయన’ కూడ ఒకటి. 2015 సంక్రాంతికి విడుదలైన ఈ చిత్రం సంచలన విజయం సాధించింది. ఇందులో నాగార్జున పోషించిన బంగార్రాజు పాత్రకు అద్భుతమైన స్పందన లభించింది. అందుకే దర్శకుడు కళ్యాణ్ కృష్ణ, నాగార్జున ఆ సినిమాకు సీక్వెల్ తీస్తామని చెప్పారు.
అదే పనిలో ఉన్నారు. టైటిల్ కూడా ‘బంగార్రాజు’ అని కన్ఫామ్ చేశారు. అదిగో ఇదిగో అంటూ వస్తున్న ఈ ప్రాజెక్ట్ ఎట్టకేలకు ఈ సంవత్సరం పట్టాలెక్కుతుందని ప్రకటించాడు నాగార్జున. ప్రీప్రొడక్షన్ కూడా మొదలైంది. ఇందులో బాలీవుడ్ నటి సోనాక్షి సిన్హాను ఓ పాత్రకు తీసుకోవాలని భావిస్తున్నారట. నాగ్ కి జోడీగా కొత్తగా ఉంటుందని ఆలోచనట. ఆమెతో చర్చలు కూడా జరుపుతున్నారట. నిజానికి ఈ సినిమా షూటింగ్ జూన్, జూలై లో మొదలెట్టాలనుకున్నారు.అన్నీ కుదిరితే వచ్చే ఏడాది సంక్రాంతి బరిలో సినిమాను నిలపాలన్నది నాగ్ ఐడియా. చూద్దాం ఏం జరుగుతుందో..
