నాగచైతన్యను పెళ్లి చేసుకున్న తర్వాత సమంత సినిమా కెరీర్ ముగుస్తుందని అంతా భావించారు. కాని నాగచైతన్య ప్రోత్సాహంతో వరుసగా సినిమాలు చేస్తూ బాలీవుడ్ తో పాటు అన్ని వుడ్స్ లో కూడా పేరు దక్కించుకుంటున్న సమంత ప్రస్తుతం గుణ శేఖర్ దర్శకత్వంలో శాకుంతలం సినిమాను చేస్తోంది. ఇప్పటి వరకు సమంత చేయని పాత్ర.. కనిపించని గెటప్ లో మొదటి సారి సమంత కనిపించబోతుంది.
సమంత కు ది బెస్ట్ మూవీ గా ఈ సినిమా నిలుస్తుందని యూనిట్ సభ్యులు చెప్పడంతో పాటు సినిమాలో సమంత నటన ది బెస్ట్ గా ఉంటుందని కూడా చెబుతున్నారు. ఇప్పటి వరకు సమంత చేసిన సినిమాలతో పోల్చితే ఈ సినిమా అత్యంత ప్రత్యేకంగా ఉండటం మాత్రమే కాకుండా ప్రతి సన్నివేశంలో కూడా సమంత కాకుండా శాకుంతల కనిపిస్తుందని అంటున్నారు.
సమంత ఈమద్య కాలంలో నటిగా ది బెస్ట్ అనిపించుకునేందుకు తీవ్రంగా ప్రయత్నాలు చేస్తోంది. అందుకు సంబంధించి ఫిజిక్ మొదలుకుని నటన వరకు ఎంతో కష్టపడుతోంది. శాకుంతలం పాత్ర కోసం సమంత పడుతున్న కష్టం గురించి ఆ చిత్ర యూనిట్ సభ్యులు కథలు కథలుగా చెప్పుకుంటున్నారు. సోషల్ మీడియాలో ఆ విషయాలు వైరల్ అవుతుండటంతో సినిమా ఎప్పుడెప్పుడు వస్తుందా అంటూ అభిమానులు ఆసక్తిగా ఎదురు చూస్తున్నారు.
