సముద్రఖని..దర్శకుడిగా, రచయితగా, నటుడిగా విలక్షణ ప్రతిభతో ప్రేక్షకులను ఆకట్టుకుంటున్నారు. పాత్ర ఏదైనా అందులో పరకాయ ప్రవేశం చేయడం సముద్రఖని సొంతం. తండ్రిగా అయినా, విలన్‌గా అయినా ఆ పాత్రలో సెట్ అయిపోతారు. ఇక రీసెంట్‌గా విమానం సినిమాలో కొడుకు కోరిక తీర్చే తండ్రి పాత్రలో మెప్పించారు.
ప్రస్తుతం సముద్రఖని చేతిలో ఎన్నో ఆఫర్లు ఉండగా ఇందులో టాలీవుడ్‌ సినిమాలే ఎక్కువ.ఇక తాజాగా మరో ప్రాజెక్టుకు గ్రీన్ సిగ్నల్ సముద్రఖని. ఈసారి ఓ రాజకీయ నాయకుడి బయోపిక్‌లో నటించనున్నారు. తెలంగాణ రాజకీయాల్లో నిరాడంబరుడిగా, నిస్వార్ధ కమ్యూనిస్టుగా పేరు తెచ్చుకున్న గుమ్మడి నర్సయ్య బయోపిక్‌లో నటించనున్నారట. కథ వినగానే సినిమాకు సముద్రఖని ఓకే చెప్పినట్లు ప్రచారం జరుగుతోంది..!!
