అడివి శేష్ తో ‘ఎవరు’ సినిమా తరువాత రెజీనా మరోసారి విలన్‌ షేడ్స్ ఉన్న పాత్రలో నటించింది. విశాల్‌ హీరోగా తెరకెక్కిన ‘చక్ర’ సినిమాలో ‘లీలా’ పాత్రలో నటించిన రెజీనా మంచి మార్కులు కొట్టేసింది. ఇప్పుడు ఈ అమ్మడుకి అదిరిపోయే ఆఫర్ దక్కిందని తెలుస్తుంది. తాజా అప్ డేట్ ప్రకారం.. ఓకే క్రేజీ వెబ్ సిరీస్ కి రెజీనా ఎంపికైందని తెలుస్తుంది. `రాకెట్ బోయ్స్` వెబ్ సిరీస్ లో కీలక పాత్రకు రెజీనా ఎంపికైంది.
రాకెట్ బోయ్స్ వెబ్ సిరీస్ కు మంచి క్రేజ్ ఉంది. ఇదో సైన్స్ ఫిక్షన్ వెబ్ సిరీస్. అంతరిక్ష పరిశోధనా రంగంలో విశేష కృషి చేసిన ఏపీజే అబ్దుల్ కలాం- విక్రమ్ సారాభాయ్- హోమీ బాబా లాంటి మేథావుల ఇతి వృత్తం ఆధారంగా ఈ వెబ్ సిరీస్ ని తెరకెక్కిస్తున్నారు.బాలీవుడ్ లో రాయ్ కపూర్ ఫిల్మ్స్ అండ్ ఎమ్మీ ఎంటర్ టైన్ మెంట్స్ సంయుక్తంగా ఈ సిరీస్ ను నిర్మిస్తున్నారు. ఇలాంటి ప్రతిష్టాత్మక ప్రాజెక్ట్ లో రెజీనా భాగమవ్వడం లక్కీ అనే చెప్పాలి..
