త‌న కుమారుడు దేశంలోనే అగ్ర ద‌ర్శ‌కుల్లో ఒక‌రిగా పేరు తెచ్చుకున్నారు.. మ‌రి రాజ‌మౌళి కాకుండా విజ‌యేంద్ర ప్ర‌సాద్‌కు ఇష్ట‌మైన ద‌ర్శ‌కుడు ఎవ‌రో తెలుసా? ఇటీవ‌ల న‌టుడు అలీతో జ‌రిగిన ఓ ఇంట‌ర్వ్యూలో ఈ ప్ర‌శ్న‌కు స్పందించిన విజ‌యేంద్ర ప్రసాద్.. త‌న ఫేవ‌రేట్ డైరెక్ట‌ర్ పూరీ జగన్నాథ్ అని చెప్పారు. అంత‌టితో ఆగ‌కుండా పూరీ అంటే నాకు అసూయ అని తెలిపిన స్టార్ రైట‌ర్‌.. త‌న శత్రువును (పూరీ జగన్నాథ్) ప్రతిరోజూ చూడాలని..
ఆయన ఫొటో నా ఫోన్ లో వాల్ పేపర్ గా పెట్టుకున్నాను అని నవ్వుతూ చెప్పారు విజ‌యేంద్ర ప్రసాద్. ఇదిలా ఉంటే గ‌తంలోనూ ఓ ఇంట‌ర్వ్యూలో విజ‌యేంద్ర ప్రసాద్ పూరీ జ‌గ‌న్నాథ్‌పై ప్ర‌శంస‌లు కురిపించారు. అత్యంత త‌క్కువ స‌మ‌యంలో భారీ సినిమాలు తీయడం కేవ‌లం పూరీకే సాధ్య‌మ‌ని చెప్పుకొచ్చారు. ఇక ఫైటింగ్ సన్నివేశాలు పూరీలా తీయడం రాజ‌మౌళికి, త‌న‌కు రాద‌ని.. నేర్చుకుంటున్నాన‌ని తెలిపారు విజ‌యేంద్ర ప్రసాద్..
